Գևորգյան Կարասի, կարմիր գինի

Գինին մուգ կարմիր է՝ մանուշակագույն երանգներով: Թարմ բույրը հագեցած է հասուն հատապտուղների  և դաշտային ծաղիկների նրբերանգներով։ Փափուկ թավշյա համն արտահայտվում է բալի և կարմիր հաղարջի, հասուն մոշի, ազնվամորու նոտաներով՝ համադրված համեմունքային ու ծաղկային ակնարկների հետ: Հաճելի, տևական հետհամում զգալի են սև հաղարջի, մոշի ու բալի նյուանսներ:

Գինին հիանալի համադրվում է պինդ պանիրների, սթեյքի և մսային նրբաճաշակ խորտիկների հետ:

Գինին արտադրվում է հայկական վանական գինիների պատրաստման ավանդական տեխնոլոգիայով (այն խմորվում է կավե կարասներում):

Այս գինիները հնացվում  են 6 ամիս՝ 80-100 տարվա հնություն ունեցող կարասների մեջ։ Վերջիններս ձեռք են բերվել Արագածոտնի՝ Օշական, Ոսկեվազ, Բյուրական գյուղերից՝ հենց գյուղացիների մառաններից:

Գյուղացիներն ասում են, որ քանի որ գինին կենդանի մարմին է, այն իրեն լավ է զգում կարասի մեջ։ Նշում են նաև, որ կարասի ձևը նման է կնոջ արգանդի ձևին։ Գինին այս սաղմնաձև կառուցվածքի մեջ ընդհանրանում է և վերջնական տեսքով ծնունդ առնում։

Գևորգյան գինու գործարանը հիմնադրվել է 2006 թվականին Հայաստանում և ներկայացնում է գինու և ալկոհոլային ապրանքանիշերի մի մեծ շարք: Ընկերությունը մասնագիտացած է ալկոհոլային արդյունաբերությունում նոր և ժամանակակից ապրանքանիշերի ստեղծման և զարգացման գործում: Ընկերության նպատակն է հասնել ինքնատիպության և ավանդական որակի իդեալական համադրության: