Վիսկի Գլենգոյն 10 տարեկան

Վիսկին վառ դեղնաոսկեգույն է: Քաղցր, թեթևակի ընկուզային բույրն արտահայտված է իրիսի, պոպկորնի, կաղնու և թարմ կանաչ խնձորի երանգներով: Տաք համում նկատվում են կանաչ խնձորի, խոտաբույսերի, կաղնու և քաղցր մատուտակի նոտաներ: Ջրի հավելումով համը փոխվում է, և ի հայտ են գալիս կտավատի յուղի և նուշի նրբերանգներ:

Վիսկին խորհուրդ է տրվում օգտագործել որպես դիժեստիվ՝ փափուկ սիգարի հետ։

Glengoyne վիսկիի արտադրության մեջ օգտագործվում է հատընտիր ածիկավոր գարի, որի շնորհիվ էլ վիսկին բավականին թեթև է: Թորվում է շատ ավելի դանդաղ, քան ցանկացած այլ ածիկավոր վիսկի և անցնում սառը ֆիլտրացիայի միջով:

Glengoyne թորման գործարանը գտնվում է անտառապատ հովտում` Գլազգոյից ոչ հեռու: Այն կառուցվել է 1833 թվականին։ Մի քանի անգամ փոխվել են սեփականատերերը և նույնիսկ անվանումը. որոշ ժամանակ թորման արտադրամասը կոչվում էր «Գլեն Գին»: 2003 թվականին գործարանը ձեռք բերեց Ian Macleod Distillers-ը, որն էլ շատ արագ Glengoyne-ին բերեց առաջատար դիրքի՝ սկսելով արտադրել «Բրենդային» միածիկային վիսկի: 

Վիսկի "Glengoyne" 10 Years Old-ը նվաճել է ոսկե մեդալ "San Francisco World Spirits Competition, 2007"-ում։

Ian Macleod Distillers Ltd-ն ալկոհոլային խմիչքների արդյունաբերության ամենամեծ և ամենահեղինակավոր ընկերություններից մեկն է, որը հիմնադրվել է 1936 թվականին Լեոնարդ Ռասելի կողմից, ով հանդիսանում է ներկայիս Յան Մաքլեոդի գլխավոր տնօրենի նախապապը: Ընկերության հիմնադիրը մեծ նշանակություն է տվել անկախությանը, և նախապատվություն չտալով վիսկի արտադրողներից որևէ մեկին, գնել է միմիայն ընկերության չափանիշներին և հաճախորդների պահանջներին համապատասխան ապրանքանիշ։ Հաջողությունը ամրապնդեց նրա համոզմունքները, և մի քանի տարվա ընթացքում ընկերությունը նախանձելի համբավ ձեռք բերեց շոտլանդական վիսկիի արդյունաբերության մեջ: Այսօր ընկերությանը պատկանում են բազմաթիվ ապրանքանիշներ, այդ թվում՝  Glengoyne Highland Single Malt Scotch Whisky, Macleod's Single Malt Scotch Whisky, Tamdhu Single Malt Scotch Whisky Isle of Skye Blended Scotch Whisky, Lang's Blended Scotch Whisky, Hedges & Butler, King Robert II, London Hill Gin և շատ ուրիշներ: Յան Մաքլեոդը տարեկան արտադրում և վաճառում է ավելի քան 15 միլիոն շիշ խմիչք: