Սասիկայա 2020

Գինին ունի խորը կարմիր գույն նռնագուն երանգներով։ Հարուստ բույրում զգալի են սև հաղարջի և այլ մուգ հատապտուղների, լավանդայի, միներալների և համեմունքների ելևէջներ։ Մարմնեղ է, հարմոնիկ, հյութեղ ու լավ բալանսավորված։ Համը լի է հաղարջի և փայտային ակնարկներով։

Խմորումը տեղի է ունենում չժանգոտվող պողպատե պահամաններում։

1968թ․-ին հայտնի էնոլոգ Ջակոմո Տակիսի կողմից ստեղծված լեգենդար Sassicaia-ն առաջին սուպերտոսկանական գինին է: «Սուպերտոսկանական» տերմինն օգտագործում են նկարագրելու համար Իտալիայի Տոսկանա շրջանի այն կարմիր գինիները, որոնք պատրաստվում են ոչ տեղածին խաղողներից, մասնավորապես՝ Մերլոյից, Սիրահից և Կաբերնե Սովինյոնից: Decanter ամսագիրը 1978 թ.-ին անցկացրեց ամբողջ աշխարհից լավագույն կաբերնե սովինյոնների կույր համտես, որտեղ Sassicaia-ն հաղթող ճանաչվեց: 1992 թ.-ին Sassicaia 1985 վինտաժը նշանավոր Ռոբերտ Պարկերի կողմից ստացավ 100 միավոր՝ դառնալով առաջին իտալական գինին, որն արժանացավ ամենաբարձր գնահատականին։ Իսկ 1994 թ.-ին Sassicaia-ն նույնիսկ DOC-ի որակավորում ստացավ (Bolgheri Sassicaia DOC):

Tenuta San Guido-ն հիմնադրվել է իտալացի գինի արտադրող Մարիո Ինսիսա դելլա Ռոչետայի կողմից Տոսկանայի DOC Bolgheri-ում: Կալվածքում մրգեր են մշակվում Բոլղերիի շրջակայքի մի քանի հողամասերից։ Տարեկան արտադրությունը կազմում է մոտավորապես 180000 շիշ։ Այն շատ ավելի հայտնի է իր Sassicaia գինիով և տարիներ շարունակ Sassicaia-ն մնաց մարկիզի անձնական գինին, Մարիոյի որդի Նիկոլոն և եղբորորդին՝ Պիերո Անտինորին համոզեցին նրան թողարկել այն կոմերցիոն եղանակով՝ սկսած 1968 թվականի բերքահավաքից: Սկզբում կար ընդամենը մի քանի հազար շիշ, բայց դրանք ավելի շատ պահանջարկ ստեղծեցին: 1994 թվականին Sassicaia-ին շնորհվեց DOC-ի որակաորումը  (Bolgheri Sassicaia DOC), և սա իտալական միակ գինին է , որին տրվել է այս արտոնությունը: Sassicaia-ն դասակարգվել է նաև որպես Indicazione Geografica Tipi: Ի սկզբանե դա Vino da tavola-ն էր։ Կալվածքն արտադրում է նաև երկրորդ գինին` Գիդալբերտո, և երրորդ գինին՝  Le Difese-ը։