Վիսկի Կամիկի, Սակուրա Վուդ Բլենդիդ Մոլթ

Վիսկին սաթագույն է՝ ոսկեգույն երանգներով: Բարդ բույրն արտահայտված է սանդալի, մայրու, սակուրայի ծաղիկների, չրերի և մեղրի նոտաներով: Քիմքին փափուկ է, հարթ՝ գերազանց հավասարակշռությամբ, մայրու, չրերի, մեղրի նյուանսներով և ծխախոտի, վայրի կեռասի տաք շեշտադրումներով հարուստ հետհամով:

Վիսկին խորհուրդ է տրվում մատուցել որպես դիժեստիվ, ինչպես նաև համադրել ապխտած ձկան և ծովամթերային ուտեստների հետ։

Աշխարհում առաջին վիսկին է՝ հնացված ճապոնական մայրու տակառներում: Վիսկին ստեղծվում է ճապոնական սպիրտներից և այլ երկրների հատուկ ընտրված թորվածքներից: Այնուհետև խառնուրդին ավելացնում են մաքուր աղբյուրի ջուր:

Ճապոնական և ռեզերվային վիսկիների այս հմտորեն միաձուլված կուպաժը սկզբում հնացվել է ճապոնական մայրու, այնուհետև՝ սակուրայի տակառներում: Փայտի տարբեր տեսակների տակառներում կրկնակի հնացումը հանգեցնում է հավասարակշռված, ներդաշնակ, անսովոր փափուկ վիսկիի ստեղծմանը, որտեղ գերակշռում են սանդալի և վայրի բալի նրբերանգները:

Վիսկիի ստեղծման գաղափարը առաջացել է Նարա պրեֆեկտուրայի հնագույն ավանդույթներից և սուրբ Սակուրա ծառից: Սակուրան Ճապոնիայում խորհրդանշում է կյանքի փխրությունն ու գեղեցկության անցողիկությունը:

94 միավոր - "Whisky Bible, 2021", Կրկնակի ոսկե մեդալ - "Cigar Spirits Awards, 2020", 91 միավոր - "Ultimate Spirit Challenge, 2020", Կրկնակի ոսկե մեդալ - "Cigar Spirits Awards, 2019"

Yoshino Spirits Co-ն համարվում է բազմապրոֆիլ ներմուծող/արտահանող ճապոնական ընկերություններից մեկը, որը մասնագիտացված է պրեմիում դասի ալկոհոլային խմիչքների ոլորտում: Գլխավոր գրասենյակը գտնվում է Ճապոնիայի Օսակա քաղաքում: Ընկերության պորտֆոլիոն ներառում է լավագույն, միևնույն ժամանակ հազվագյուտ ալկոհոլային խմիչքներ, այդ թվում՝ լիկյոր, վիսկի, ջին, սակե, գինի, փրփրուն գինի և գրապպա: