Ֆրեսկոբալդի, Նիպոցանո Կիանտի Ռուֆինա Ռեզերվա

Գինին ունի արտահայտիչ ու պայծառ ռուբինագույն երանգ: Բույրի մեջ բացահայտվում են կեռասի, մոշի մուրաբայի, սալորաչրի և սև պղպեղի նոտաներ: Այս գինին մարմնեղ է, հավասարակշռված համով, թավշանման տանիններով, զգալի թթվայնությամբ, ծաղկային երանգներով ու երկարատև հետհամով։

Շատ լավ է համադրվում խորոված և շոգեխաշած մսի, ինչպես նաև հնացված պանիրների հետ:

Խմորումը տևում է 13 օր՝ չժանգոտվող պողպատե պահամաններում: Ալկոհոլային խմորմանն անմիջապես հաջորդում է մալոլակտիկ խմորումը։

2 տարի՝ տակառներում և մոտ 3 ամիս՝ շշերի մեջ:

Castello di Nipozzano խաղողի այգիները գտնվում են ծովի մակարդակից 250-ից 500 մետր բարձրության վրա և զբաղեցնում են 250 հեկտար՝ հարավարևելյան ուղղությամբ: Հողերը չոր են, քարքարոտ, կավե կրաքարային, լավ ցամաքեցված։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում: Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: